是我貪

以前一直都覺得呢位人兄對我好．
很會關心和照顧我．
在工作和其他事上都幫我良多．
給我很多指導．
是一位亦師亦友及疼錫我的哥哥．

只是近年好像不同了．
雖則仍是關心，
但總覺得是不同了．

不過今次從第三者口中聽到說他是關心我的，
細心想一下．．．
也對，他仍是疼錫我的．
所以才會嘮嘮叨叨的說那些話．
看完醫生也有細問我狀況．

始終人與人的關係是會隨著歲月改變的．
以往我對他的依賴著實多了點．
我也可能是真的貪心了點． :p

治療（番外篇）

又係無無聊聊，
攞咗啲藥比游同學過目．
意見係：呢啲藥都係唔好食咁多!

之但係我記得有個blogger都講過：
When you are just one pill away from a good sleep, how could you resist the temptation?

治療（二）

除咗藥物治療，仲有行為治療，分三樣．
首先，每晚要快步走十五分鐘．
係要快步走，唔係跑．
行到有少少氣喘就啱啦．
醫生話咁先係帶氧運動，
咁至有用喎．

然後每朝起身要做原地踏步．
起初每朝一分鐘就夠．
慢慢再加長時間．

還有呢，得閒食晏有時間就要去公園行下，坐下．
望下天，睇下雲呀，雀仔呀咁喎．．．

三樣嘢，第一項有時有做，有時冇．
唯有試下放工行去巴士站時行快啲算．
第二項做過三日．
係第四日開始我已經唔記得咗要做．
朝早起身好多嘢攪家麻!
做少一兩樣有幾奇?
至於第三項．．．
還未做過．
我遲啲會試下去九龍公園行下架啦!

治療（一）

無無聊聊，
上網搜了一下醫生開約我的藥．

據醫生所講，朝早食嗰粒只係維他命!
但係唔係普遍維他命，係'再生維他命'!
可以幫我啲死咗既腦細胞再生返出黎．
好以好勁咁喎!

另外晚上有三粒，
一粒血清素，補充我所缺少的．
兩粒中和劑，要黎中和我腦中的壓力荷爾蒙喎(好似係咁)．

已經食咗幾個禮拜．
初初食時我覺得有時會心跳．
但係醫生話唔關啲藥事喎!
(都唔知係唔係既，我上網見到好似會有類似既負作用喎!)
但係食咗藥之後既睡眠質量就真的真的大大改善了!
瞓得唔好呢個問題我已經有咗好耐．
而家瞓得好啲，人都醒神啲!
上堂都冇樁眼瞓啦!

不過呢兩晚又瞓得差咗，
唔通要叫醫生加藥?

功課

今晚超額完成了醫生給我的功課．
快步由新蒲崗走到九龍城．
九龍城走回東頭村．
再返新蒲崗．
四十五分鐘．
出了一身汗．

我可以點?

昨日才說完，
想不到今天便在沒準備的情況下談到此話題．

老實說，類似的回應，
年輕時我可以義無反顧的說出口．
但人長大了，成熟了，
知道有些事說易行難．
我不肯定自己是否真的可以做到，接受到．
我只知道有些事是不可以輕率的答應的．
但可以說的話，我已說了．

只是有點失望．
失望的是我以為一個心思細密，
做事有條理的人，
應該各樣事也顧慮得到，
應該走每一步路也是諗過度過再行的．
而非走了這麼多步，做了這麼多事後，
還在說我有這些這些顧慮，
所以我那樣那樣．

現在我知道了．
又如何呢?我可以怎樣呢?
雖然我知道若我想的話，
我可以很輕易的便得到自己想要的．
但自己的事，最終還是應由自己作決定的．

戒口

過去一年，看過中醫，現在看西醫．
各有各的飲食禁忌，不能吃的多不勝數．
大致如下：

中醫：
所有凍食凍飲，如雪糕，汽水．
仲有西茶，綠茶，
奶茶則冷熱都唔得．

寒涼食品，如：
所有菇菌，冬菇除外．
豆腐，腐皮，所有黃豆製品，辣的除外．
綠豆，芽菜．
所有蔬菜皆為寒，須要用薑煮才可．
另色淡，質滑的菜如黃芽白，娃娃菜，白菜都唔得．
瓜類亦一樣，除咗節瓜正氣之外．

還有生果都係，好多都唔得．
好似梨，士多啤梨，奇異果，火龍果等，
清甜的山竹更是大忌．
連我最愛的雪蛤燉耶皇都唔得．

西醫則簡單點，
不可吃喝任何有咖啡因的東西，
即係唔飲得咖啡，所有的茶，可樂，葡萄適，
酒更加唔得．
還有還有，朱古力都唔食得!!!!

但係叫我唔食朱古力係無可能架囉!
情緒低落時，工作緊張時就更想!
唔食既話，我驚我會仲嚴重喎!

我試過問醫生，食少少唔怕啩!?
佢話呢啲興奮劑，
食咗個胃會分泌更多胃酸，
就會胃痛架啦!
風水佬呃你十年八年，
我最多都係呃到你幾日啫!

我噚日晏晝試過喝了紅茶．
真係好快就胃痛.....

我快樂

我絶對是個有資格快樂的人．

一家人尚算齊齊整整，身體健康．
財政ok，起碼不用憂柴憂米．
我份人工勉強夠駛．

朋友未算相識滿天下，
但知心的有好兄弟．
還有其他其他，都是隨和，沒甚所謂的人，
亦即謂就得我，和他們一起我多數都做到／得到我想要的．
佢地仲會聽我發牢騷添．
(我也可以是牢騷王 :p )

學習，老實說真的不容易，
但多花時間，付出努力，還應付得到．
成績也可以．
還有班一齊同學仔嘻嘻哈哈．

工作，是現是為止做得做愉快的一份工作．
係忙囉．
但哪間銀行的risk係不忙的?
這裡至少老細撐你，不公平的事會人有出頭．
同事OK，兩個阿哥都是關心我的．
(我甚至覺得佢兩個都係偏心我多一點的 :p )

其它的．．．
我想要的東西，只要不是太昂貴，自己亦可以買得到．
身體抱恙，有人鼓勵放病假，早收工．
工作忙時有人幫．
想去玩時有人陪我癲，
唔開心時有人問候，
考試合格有禮物收．
現在應該是我這生中其中一段最快樂的時間．

所以呢．．．
我應該是快樂的，
該死唔駛病，自己留意一點就可以的了．
再觀察下先啦!

不做不做還需做

同自己講過，
假期不上班，不工作．

但最後仍是要在週末死返公司．
仲要連續兩個星期．
雖然每次都只是兩個小時．
不過如果連兩個鐘都唔返．
星期一點算?
又九點?定十點?
我既能量儲備唔夠我做到咁夜喎．
八點幾眼皮已經向下墜．
做得又慢，仲要驚錯，划不來!

而且夜收工即係夜食飯．
又肥仔，又容易會胃潰瘍同胃酸倒流．
全部我都唔想喎!

唔想煩

唔想再諗．
唔想自己開唔開心都由其他人講我知．

其實我都唔多覺自己唔開心．
我覺得我OK喎!
煩心的事一定有．
但未至於煩到我咁唔開心．
無理由胃痛都關佢事囉!
應該係工作太忙，壓力大啫!
可能放下假會好啲．

一見鍾情

無無聊聊走咗入Club Monaco,
一眼就見到佢．
覺得個lace print好靚，好靚．
售貨員服務好，一邊給我介紹這是100% cashmere．
一邊拿給我披上身試．
真的很喜歡．










Club Monaco我從未幫襯過．
但這條scarf真的很喜歡．
給自己想了個借口．
就當預早買份考試成功禮物給自己吧．
但價錢要$950呢！
成千銀買條scarf真的買不下手．

記起某某好像有七折．
晚上回家問問先．
哇!原來唔係七折，係半價!
忍唔到手了，第二天立刻買回家了!
但現在天氣還熱，要等遲啲轉涼才用得．

港女的星期日下午

一個月內重重的摔了兩次．
下定決心要買新鞋返工!
上星期行海港城失望而回．
唔係唔合意就係斷碼．
係Staccato睇中對蛇皮的．
但是新貨，盛惠HK$899．
無折，點買得落手呀?

今天轉戰銅鑼灣．
行入第一間Millies就成功完成任務了．
買咗對暗紫色尖頭高跟鞋．
38號，比平常著開的日本鞋舒服．
打折後HK$559．
叫做OK.
講到底，我只係想買對舒適返工鞋啫．

買了鞋，再到金百利．
係李小姐的相熟舖買咗件衫．
半價，花了HK$294．

同日除咗牛同學空手而回外．
李小姐同城城都係短時間內各買一雙鞋子．
行完街仲有時間上佐熊抖抖睇雓誌．
又一個港女的星期日下午．
:p

He's just not that into you

尚未看完．
完成了大半，己覺獲益良多．
有啲情況常發生．
只是自己會在找藉口，尋解釋．
實情就係咁簡單．

好多事就係咁．
發生係自己度便會看不見．
自己曾也同樣如此對人．
亦因為同一個原因．

Oprah Winfrey說得對：
This book should be on every single woman's nightstand!

現在更有動力向前走了!

臨老入O-Camp?

Team Building就應該有Team Building的様子.
花少許錢，請vendor黎搞是應該的．
唔係求其叫班青衣做搞手．
諗啲老土遊戲出黎．
大叫其他人投入啲，有創意啲就得囉！
而家好次成班老人家去大學迎新營咁．
搞乜呀?

好緊張

收到電郵通知，
二十七號就可以上網睇到成績啦！
好緊張！好緊張！好緊張！

好驚唔合格！
合格的話一定要慶祝！
有人話合格的話會送禮物比我慶祝．
不過有無考試成功禮物都一定要合格至好！
我唔想補考／重讀(touch wood).

讚賞

對於自己的工作表現，我是有信心的．
所以每次有人讚賞，
都會高高興興的照單全收．

現在雖然聽到也是開心．
但禁不住會想：現在的讚賞是不是真心的呢?
又或者有否誇大了呢?
那一點點的自尊我還是有的．

好朋友

一個問題，就分到邊個係好朋友啦．
不會散播謠言，
清楚知到你做緊乜，
其他人都誤會你時，
佢知道你冇做過．
雖然已經係陳年舊事．
仍覺可貴．
多謝!多謝!

奇奇怪怪

一直抱著世上好人比壞人多的信念．
人對我好，我也對人好．
只是好成咁好似有點怪怪的．

未成事

一個星期了.
未成的事不能說.
要等多一個星期.
本來是高興的事.
但一想到背後的起因就覺得不爽.

膫解

不用每天見，不用每天通電．
但只要一見面，看你眉頭眼額．
對話幾句，掂你一掂，
就知你心情如何，身心如何．

你可以說你沒事．
但心情不佳，身子不爽，總瞞不了他．
每月來的事，你沒說，他也總會問．

有時真覺得，中醫師知道我的事，
真的很多(太多?)．