網購

迷上了網購．因為愛平靚正!
(pic from shopbop)
先係shopbop買咗個Marc by Marc Jacobs手袋，
香港賣HK$4,700.-，Shopbop賣US$498.-，
我趁著有買滿US$250.-減US$50.-，滿US$500.-減US$100.-的優惠，
連同CK的內衣一同買下．
個袋省了大約HK$1,600.-，仲要買到Shadow色添!
大約幾天便收到DHL送到的貨了．

然後趁李小姐有75折，
係asos買咗件LYLE & SCOTT 冷外套送人．
就咁睇尺寸應該著細碼會fit身啲，但中碼鬆少少就好似好啲．
不過比我地稍到個鬼佬Model著中碼隻袖都好似長長地，所以最後選細碼．
網購呢家嘢，尺碼同質料都要小心睇清楚．
否則買咗返黎不合心水唔開心就無謂啦．

仲有係Columbia見到對Sorel Snow Boots好靚．
本來想借同事張咭用８折買，點知最後得9折．
9折就梗係唔買啦!
我唔忿氣，上網係amazon搵到連運費都比香港平一半．
立即下單，一個星期便收到了．
成個冬季最暖就係對腳!

隨後細妹又想買對boots，
竟然Crocs都要收成七百幾!!
我上網同佢搵到對Sorel Rain Boots，
靚過Crocs多多聲，
連運費折番都係約HK$5xx.
之後我係Columbia都見到呢個款，原價同我對Snow Boots一樣，要賣成HK$1,499.-，即係而家平咗HK$900.-!!!

仲有幫人揀恤衫．
經amazon搵到Charles & Tyrwhitt，
呢個品牌我地唔識嫁．
不過見佢英國恤衫賣到可以係Paris都開到分店，
又減價，咪試下囉．
9/1下單，11/1寄出，預計要2月頭至收到，
但係到2月中都唔見，嬲爆!
收我成£15.-運費都係咁!
唯有send email追，
好在隔天便有回覆，算快!
Confirm地址佢就再寄過．
原本預計三月頭(即係要三個禮拜)先收到．
今次就個零星期就收到啦．
品質仲好滿意添!
顏色夠sharp，個花亦與想像相符．
連恤衫送黃銅造的collar stiffeners，單買要£5.一對．
唔同其它品牌都是送膠造的(像Brooks Brothers也是送膠造的，金屬的要另購)．
(pic from Charles & Tyrwhitt)
真係要比個"Like"佢．
係運費貴啲，而且恤衫已經有好多，
唔會一次過大手入貨黎節省運費．

我的秘密小洞

曾聽過一個童話．
從前有個國王，長著一對驢耳．
整天戴著帽子，不讓人知，除了他的理髮師．
理髮師憋不住，在一個洞中大叫：國王有對驢耳朵！國王有對驢耳朵！

想找我的洞說出我的秘密．
(當然我唔expect佢會揚出去)
佢竟然唔．得．閒．！！

無奈．

慳

近排興慳家.
繼利用網購省下(駛了)一大筆後，
最近另一慳錢方法就係善用各種優惠．

包括係用免費報紙上的$1，$2 coupon買包做早餐．
原本一個$6包變$5．
加舊街場三合一咖啡，大約$2-$3包．

我試過買一條紅豆綠茶包(用coupon後$11)，
分咗兩日早餐 + 一個午餐咁食，
另加兩個早餐內的舊街場三合一咖啡，
三餐加埋約$17，仲平過以以往飲開公司樓下西餐廳的一杯外賣咖啡．
($18一杯，過年後加到$24!!)
(OK,我認之前我個早餐可能真係奢侈咗啲!)

午餐有飯帶就帶，
無的話主要選擇都係:
1.面包
2.麥當當(通常我食$8麥香雞包+$6紅豆/香芋批)
2.糖朝飯盒外賣($28有埋糖水係尖沙咀真係好扺)
4.買兩盒$4豆漿沖麥皮
以前會過隔離商場買$20車仔面，2012年起加價到$24已經冇幫襯了．
樓下大家樂裝修完後加咗價，亦冇再去過．
(實情係發現佢條外賣快線既一個麻婆豆腐飯要收貴$3條氣唔順)．

最重要最重要係護膚品，可以慳買唔可以慳用．
所以要拎sample，方法都有幾種．
可以上網搵coupon．
又可以係報紙雜誌搵．
做member又時不時有得拎．
仲有各大信用咭都會寄張咭比你試．
勤力的話，一個星期己經可以好好收穫．
我估計，今年之內唔駛比錢買精華素既機會好大!

囤

最怕想用的東西要用時沒得用，
又或者特價貨之後買唔返，
所以合用的我會多買一點．

SKII　神仙水


這個好用，用時唔多覺佢有用，
但係好多時沒用一排之後，
就發覺皮膚差咗，暗粒多咗，
所以最後都會買返．
上年年尾至開咗呢支215ml的，
還有支75ml，幾個月前比咗支30ml阿媽．
早兩日上臉書玩遊戲，將會多支30ml囤積．

Bioderma 缷粧水

係Reenex既小姐介紹的，
用落覺得唔錯，買水貨的話價錢又唔貴，
所以keep住都買．
我買開500ml裝的．
而家用緊嗰支係2010年6月18日開既，
估計可以用埋今個月，下個月至開呢支新既用．

NeoStrata Facial Cleanser

呢樣係Dermes小姐介紹的，
用咗之後皮膚既暗粒大量減少，
以前成日會係下巴位生大大粒暗瘡，
而家已經冇，只係有時會生小粒粒．
今日新開呢枝已經買咗係度兩三個月．

Biotherm 爽膚水

用咗幾年，用既原因係貪平．
我只會係卓悅，莎莎，Colourmix買水貨400ml裝的，
由以前買HK$15X買到而家差唔多要二百蚊，
一枝可以用到四個月．
兩三個月前一次過買咗兩枝．

Ultima II Procollagen Extrema Eye Essence

上個月趁做特價時買時，
試上手之後支手滑足成日，
用上眼又唔多覺特別好，效果一般啦，
不過Eye Essence先賣三百蚊唔駛，
所以之後行過見仲有貨都囤多一枝．

Estee Lauder Advanced Night Repair synchronized Recovery Complex

個名好長．．．
以前買過佢隻Eye Serum，但係貴囉．
而家呢隻係搽臉既．
上面兩枝5ml裝，一枝送比member既，
另一支係買Eye cream送既．
其餘四枝7ml，
係我狂買Cosmospolitan囤返黎既．
一本Cosmo賣HK$40，送7ml，
買五本HK$200，就己經有35ml，
專櫃賣緊30ml要成五百幾價，
所以就算你話我唔環保我都會照買囉!
P.S.我仲有幾枝拓人買既未收到貨．

The Body Shop Body Butter

有多種香味，而家用緊藍莓味，
佢每年都會減價，平好多，
所以上年同今年都一次過買好多罐，買足一年份．

The Body Shop Shower Gel

又係趁減價買落既，
四五枝用剩咁多．

Temple　紙巾
買親都係去藥房買一大包的，有排用，
但最近會買雜誌，有紙巾送，
消耗速度大減．

各種BB Cream / Foundation / 粉餅

去韓國旅行時貪平買的，
加埋之前買落的，
用咗半年都未用晒，用得一半都冇．

各種paper mask
Paper mask夠晒方便，
適合懶人如我．
上次入貨好似係上個月頭吧，用咗成半喇．
而家得返大約廿塊．

各種護膚品sample
有無數咁多!
有買嘢送的，有作為member 送的，
有貪心時特登去換的，
用極都用唔完．
我決定會將我唔多喜愛同放咗好耐既用黎搽頸同手腳．