聽日做乜好?

明晚係除夕，已經約左兄弟去玩，但係．．．．　我地唔知做乜好！

幾個人，年紀唔細，唔想同人迫，我地又唔煙唔酒，大時大節都係出街食餐飯，睇場戲，傾下計就算．

其實最重要都係同邊個一齊，而家咁食下飯，講下笑，談談大事回顧同新年願望已經好高興．

年年都係咁，但係年年都咁開心！！

兄弟們，新年快樂！！

今日做左乜?

今日去左整指甲，本來想油深紫色甲油，但係最後都係揀左最保守既粉紅色，原因好簡單，因為驚襯唔到衫（好重要嫁）．

整完指甲，係銅鑼灣行左一陣，乜都買唔到，成日連車費駛左唔夠１５０蚊，好成功啦，修修甲都要１０８啦！

我好餓

一直都有閱讀的習慣，睡前沒看書，總覺得有事未做，就好似未刷牙咁．

早前看完了“姊姊的守護者”(My Sister's Keeper)，故事不錯，結局如註定般，有ｄ sad．

之後沒新書看，所以又重看了一遍 "The Undomestic Goddess"，可能因為英文程度不太好，內容記得不大清楚，再看仍覺得好笑．看完，笑完後，現在沒書看．

明明家中藏書無一千都有幾百，唔知點解都係好似冇書睇（就好似我ｄ衫咁，明明多到著唔晒，都成日都好似無衫著咁），而家冇左精神食糧，好餓！！

2007年

又到年尾，例牌都要回顧一下過去一年做過乜同發生過乜事：

＊　轉左工
＊　重新拾起書本
＊　交了幾個新朋友
＊　去左幾次旅行

預計出年會發生的事：

＊　做緊同一份工（仲要冇人工加）
＊　要努力溫書，考好個試　（好彩既話唔駛肥佬)
＊　仲係時時同兄弟去玩
＊　希望有時間同金錢去幾次旅行

總結：

都係冇乜特別，乏善足陳．

無事出街小破財

Boxing Day 本來打算和李小姐去整指甲，最後因為懶，沒去，諗住可以慳番少少，誰知下午陪阿媽落街逛一逛都駛左幾百蚊，再係咁落去，轉多幾次工，加多幾次人工都唔夠駛．．．

聖誕禮物

每年一到十二月，整個人都會變得無心工作，整天都在想今年要怎樣慶祝？買什麼聖誕禮物？想收到什麼聖誕禮物？

最難的便是要買份用來交換的禮物，因為預算不大（通行都係$100-$150) ，又唔知邊個會收到份禮物，真係好難揀．

我個人最唔鍾意收／送ｄ冇用，阻地方同無誠意既禮物，收到都冇用，最後都係做左垃圾，除左浪費，仲要講多謝同帶返屋企，好討厭．

送得禮物，就算真係冇用，都要有誠意或者拆開既時侯可以一大班朋友笑一大餐至得，所以今年，我又唔知買乜好啦！！

終於有得見啦！兄弟們！

已很久沒和兄弟們敍首了 (成個幾月啦，以我們以往一個星期見兩三次的頻率來說真的很久了），今晚終於因為和李小姐吃生日飯的關係再見到面，少不免要update一下大家的近況，派派新咭片．

言談間發覺原來我個blog係有人睇嫁！！真係要勤力ｄ寫至得啦．

呢度怨氣好重

今晚和同事一同去BBQ，同事們敍首，又沒有高級人員在，少不免會談談公司的各種八卦事．

原來各個同事都對公司有各種的不滿，連一向在辦公室內非常勤快，甚得老闆歡心的人也頗有微言．

今晚又收多了一些小道消息，又知道了多些事，最重要的是：呢度怨氣好重，士氣好低，真係走得快，好世界!

重九登高

昨日是重九，與友人去行港島徑．
我們由山頂開始，一路行到薄扶林，只行了約兩個小時便完．

香港多條遠足路線，港島徑應該是難度最低的，所以昨天也有得多人，拖男帶女，扶老攜幼，還有牽狗的，路上的人不會比銅鑼灣少．

我有Sense !?

今日下晝終於都辭職，老細自然循例都會挽留一下，仲比左好多個提案我，例如：

* 我話轉工係想要試下其它工作，佢就話轉去隔離組做其它工作
(但係成個部門我最唔鍾意就係嗰組人)

* 加人工
(但係我個offer都有加人工喎，而且工作性質仲同我讀緊既課程有關，比較可以學以致用，同埋我唔覺得呢間公司個咁孤寒既HR會加到人地咁多囉)

* 升職，轉長工
(不過升嗰一小級本小姐唔恨喎)

* 以為我好想做有關文件既野，所以又話其實公司都有ｄ有關文件既工作可以安排比我，都需要同公司法律部門合作，不過就唔可以 guarantee 比到好多
(但係比得我跟既都唔方多野學啦，而且問題係我唔覺得而家佢地幾個老細既法律知識好，可以教到我囉)

佢一連幾個提出幾個提案，都比我拒絕左，見佢都有ｄ無奈，所以本來都有少少唔好意思要拒絕一個咁有誠意既人，但係後黎我諗起佢挽留我既第一句說話就越諗越嬲．

佢話：其實平時同你傾野既間候我都覺得你有sense ......
咁既係點？你要讚我都唔識讚，你平時久唔久就 "醒"比我做既野你都講唔出!!

你可以話其實我覺得你係開會傾OM既時候有D意見都唔錯，有 point! 又或者更簡單的話我幫到手都得!!

有 sense?? 你對下屬既要求就這麼底? 不如你直接同我講，你根本唔記得我做過乜，有乜野可以讚!!

多謝晒!! 我又記起之前發生既一連串不公平及忽視事件啦，我係唔會留底既，因為我有sense!!

轉工啦

朋輩間最近有一股轉工潮，連我在內，九月及十月已有四個人轉工了，尚有數位在尋覓當中．

說起這份新工，是朋友介紹的：
* 大公司，講個名出黎好似威威地咁
* 可以再和好友一起工作
* 人工加了百份之十幾
* 工作性質與我現時進修的學科有關，似乎可以學以致用
* 公司氣氛聽來不錯，頗正面

好似幾好，可惜：
* 工作時間超長 (聽聞現在都是九時多放工)，恐怕會影響休息及進修時間
* 長短週工作 (現時是五天工作週)
* 人工只加了百份之十幾 (家下市場情況，轉工閒閒地加廿個%啦)

因為有以上的缺點，所以我決定會繼續申請另一公司，有結果的話，到時再揀!

旅行後遺症

今日終於「的」起心肝，整理一下較早前去旅行的照片，一弄便是多個小時，並不是因為照片多，而是在整理的同時，少不免會回想一下去旅行時的快樂時光．．．

這間餐廳的食物很有水準．．．
這裡的風景很美．．．
這裡很好玩．．．
還有某某在這裡說了／弄出了一個笑話．．．

剛剛才痊癒的旅行後遺症不知不覺又浮現了出來，下次幾時再去好呢？

明年再見．．．頭痛丹

昨晚終於送走了我家的"頭痛丹"．

我家小弟今年己十九歲，說少也不少了，但不知怎地，還是常常要家人操心．

先說今年入大學，原先第一志願 Birmingham收取，但小弟卻說現在不想讀 Mechanical Engineering了，所以寧願入第二志願的Staffordshire讀Automative Engineering．

由於是中央派位的關係，必須要Birmingham release 他的admission 才可再辦Staffordshire 的入學手續；誰知辦理需時，到辦Staffordshire 的入學手續時，卻收到通知今年入學已太遲，人家已開學！！大驚之下，唯有立即替他撰寫email 給人家，作出誠意狀，表示很想入讀貴大學，並且很快便可到英國報到，另一方面，卻暗地裡查詢Birmingham有沒有可能吃回頭草 (Birmingham開學較遲）．

到人家OK後，繳付deposit 又有問題，最後要勞煩到小弟在英國的小女友先墊支；然後又到visa問題．．．

經過一汳三折，從機場回家的途中，最疼小弟的母親也不禁說一句：終於送走呢粒頭痛丹啦！！

我諗我都要養精蓄銳，出年再黎過！