納納雜

（一）多日無聯絡，一黎就開口鬧人．
　　　唔知咩原因，問又唔答．
　　　令人摸不著頭腦．
　　　可能又要等到有問題先會找你．
　　　這些，我都歸納為不珍惜朋友的表現．

（二）恭喜晒！
　　　我己經好無聊咁係度諗出年三月送乜好！

（三）八月同事輪流放假，
　　　預期又要做到隻屐咁啦！

（四）如果假期就到的話，
　　　可能會去睇世博！

（五）睡房的窗一定要裝返遮光布！
　　　我肯定朝早加下午午睡時的陽光
　　　足以扺消我所有美白精華素同面膜！

（六）討厭樓市暢旺的日子！

（七）我要求唔高，
　　　淨係想多啲時間啫！
　　　點解都咁難？
　　　灰．．．

姊妹裙

今日放學後行咗去百利攞埋小翠同阿玲條姊妹裙啦！
下個星期個個都有裙著啦！
不過我冇Check，有問題唔好問我！

另外早兩日去覆診．
又磅了一下，又輕咗！
所以我肯定我條裙要放寬唔係我問題囉！
一定係上次度身時佢度得唔準！ :p

生日禮物

收到今年的第一份生日禮物．
早咗成個禮拜．
但係份禮物就有點奇怪囉!
好想知送禮的人在選購時在想什麼?

相由心生

即係呢...
一個人心情唔好，自然會面燶燶．
不知情的人見到就會以為你可能係：
唔夠瞓、
做錯事、
心情欠佳、
身體不適、
比人激親、
工作太多、
家有白事、
剛剛比人鬧、
剛剛鬧完人．

於是其他人可能會對你：
敬而遠之、
唔敢同你講嘢、
唔想同你講嘢．

做人都係要歡容啲好!

一人遊

悶納的週日下午．
一個人出門，
走到巴士站，上了車．
耳聽著<安靜了>，
用隨身相機拍下沿途風光．

四十五分鐘的車程，
最後到了屯門總站．
往人多的方向閒逛，
到了屯門市廣場，
很吵，很迫．

三十分鐘後，回到下車的總站．
等十分鐘車．
四十五分鐘後回到起點．

回程時，聽的是梁靜茹的<勇氣>．

♪　♪　♪　♪　♪　♪　♪　♪　♪　♪　♪　♪　♪　♪　♪　



♪　♪　♪　♪　♪　♪　♪　♪　♪　♪　♪　♪　♪　♪　♪　

由得我啦

女孩子特別多護理要做．
今晚特地過了一轉銅鑼灣就係為咗做久違了的其中一項．

呢幾晚都特別夜瞓，一天大概六小時．
昨晚更只有五個小時，真的不夠．
加上血壓底，成個人也恍惚起來．
工作了一天，要做的事並沒減少．
反而積壓得更多．
枱面凌亂，又唔見文件．
真的沒精神再同人social．

偏偏做護理行業的小姐都喜歡與人寒暄．
我只好隨便敷衍數句．
誰知離開上了巴士後，
竟然收到那位小姐的長長sms．
大意是覺得我好多心事，全程冇笑過．
如果係佢做得唔好要話佢知．
知我下個月生日，仲祝定我生日快樂．
攪到我仲要覆個msg比佢話唔關佢事．
係我自己攰啫．
都唔知係佢entertain我定我entertain佢?!
大家都唔熟，你由得我啦!

戒口

過去一年，看過中醫，現在看西醫．
各有各的飲食禁忌，不能吃的多不勝數．
大致如下：

中醫：
所有凍食凍飲，如雪糕，汽水．
仲有西茶，綠茶，
奶茶則冷熱都唔得．

寒涼食品，如：
所有菇菌，冬菇除外．
豆腐，腐皮，所有黃豆製品，辣的除外．
綠豆，芽菜．
所有蔬菜皆為寒，須要用薑煮才可．
另色淡，質滑的菜如黃芽白，娃娃菜，白菜都唔得．
瓜類亦一樣，除咗節瓜正氣之外．

還有生果都係，好多都唔得．
好似梨，士多啤梨，奇異果，火龍果等，
清甜的山竹更是大忌．
連我最愛的雪蛤燉耶皇都唔得．

西醫則簡單點，
不可吃喝任何有咖啡因的東西，
即係唔飲得咖啡，所有的茶，可樂，葡萄適，
酒更加唔得．
還有還有，朱古力都唔食得!!!!

但係叫我唔食朱古力係無可能架囉!
情緒低落時，工作緊張時就更想!
唔食既話，我驚我會仲嚴重喎!

我試過問醫生，食少少唔怕啩!?
佢話呢啲興奮劑，
食咗個胃會分泌更多胃酸，
就會胃痛架啦!
風水佬呃你十年八年，
我最多都係呃到你幾日啫!

我噚日晏晝試過喝了紅茶．
真係好快就胃痛.....

臨老入O-Camp?

Team Building就應該有Team Building的様子.
花少許錢，請vendor黎搞是應該的．
唔係求其叫班青衣做搞手．
諗啲老土遊戲出黎．
大叫其他人投入啲，有創意啲就得囉！
而家好次成班老人家去大學迎新營咁．
搞乜呀?

奇奇怪怪

一直抱著世上好人比壞人多的信念．
人對我好，我也對人好．
只是好成咁好似有點怪怪的．

未成事

一個星期了.
未成的事不能說.
要等多一個星期.
本來是高興的事.
但一想到背後的起因就覺得不爽.

膫解

不用每天見，不用每天通電．
但只要一見面，看你眉頭眼額．
對話幾句，掂你一掂，
就知你心情如何，身心如何．

你可以說你沒事．
但心情不佳，身子不爽，總瞞不了他．
每月來的事，你沒說，他也總會問．

有時真覺得，中醫師知道我的事，
真的很多(太多?)．

離開

最近總愛將MSN的狀態設定為離開．
唔想被人煩，想自己一個，
又或者唔想同某某傾計時用這個方法最好．
就當我沒空回應，行開了便好．

ICQ

ICQ現在已沒多少人用．
每晚開著也只有一兩個人在線．
一個星期才會用來交談一兩次．
甚至更少．
而且多數會用ICQ的人也同時用著MSN．

所以乘著壞了的名義，
決定不重新安裝ICQ．
就算連著新版本程式send給我．
也懶得安裝．

似乎很冷漠．
但人總要向前走的．

握手

最想做那些給我一個密室．
讓我靜靜地做，做完便收工的工作．
所以一直以來的工作也是對內的．
不用拖頭露面．
沒有商務的酬酢．
亦鮮與人握手．

握手．．．
是公務上才有需要，
又或是洋化人才做的．
朋友間，習慣了較隨意的．

平時交朋友，都是各道名字，
點個頭，揮揮手，說聲 Hi 作罷．
今晚卻偏偏交了兩個新朋友．
介紹時都向我伸出右手．
霎時間要呆了半秒才懂伸出右手回應．

我不是說他們造作，扮洋化，
因為朋友們的評價，
以及當晚的所見．
我肯定他們都是待人誠懇，
而且都是細心旳人．

只是．．．我真的不太習慣握手．

Debauve Et Gallais

食咗人一個貴lunch，實在唔好意思．
所以決定要回禮．
一諗就決定要買古朱力．
難題是買哪個品牌．

幸好我有research team，
一個email，立時有多個建議．
最後我挑了Debauve Et Gallais．
因為我唔識佢．
同埋其它品牌都在中環或金鍾有分店．
人地應該試晒啦．
呢間係利園，仲要三樓．
好似會少見啲，特別些咁囉．

價錢真的不便宜．
據稱乃係全港最貴的朱古力．
我挑了八粒．
盛惠$285.-
比Godiva貴差不多一倍呢!
不過送比人既，一次半次，唔怕啦!

一個好人

一早知佢係好人．
但係好人成咁?
係真唔係呀?

突然想起有人說過，
男人唔會無原因地對你好，
對你好，一定係做咗一啲對唔住你既事．
我知咁諗係誇張咗．
用係呢個情況亦唔啱，
仲好小人之心添．
佢應該真係一個好人黎既．

福無重至?

近兩年太多唔愉快的事.
我唔鍾意2008/09年.

偷懶半天

上午考完第二科．
一早預咗會考得麻麻．
入到去果然啦．
statute唔記得section 幾．
案例名又唔記得．
成個答案好以淨係吹水咁．
無law back up....
死咗一半啦!

但係考完後，點都要放鬆一下．
先到apm食個lunch.
我已經好耐冇食午飯啦!
(溫習時為節省時間只會食早餐同一個飽飽下午茶)
今天吃的是意粉，味道好一般．

跟手係apm行咗陣．
買咗對新波鞋
(事實又一次証明shopaholic唔買嘢係唔得既!)
原想買嗰對Nike，好看點，但係冇air囉．
所以最後揀咗對冇咁靚，但係有air既．
舒服啲麻!

諗過睇戲，可惜揀唔到．
之後轉移陣地，出咗旺角行朗豪坊．
食咗個tea.
有cheese cake, brownie　同hot hazel nut chocolate!
我冇計過卡路厘，
淨係知道而家八點幾都仲好飽．

完完全全是放縱的一天．
因為放縱，所以放鬆．
明天再努力!
奸爸爹!

點算?

五日假期．
如意算盤是一天大概溫25-30%，
即係三四天會溫完一次，
第五天係用黎重溫同睇past paper既，
但係噚日只係溫咗約15%，
今日得返一半．
點算?點算?

聽不到

今個星期係:聽不到
原唱係五月天



♪　♪　♪　♪　♪　♪　♪　♪　♪　♪　♪　♪　♪　♪　♪　♪　♪　♪
聽不到歌手：梁靜茹
作曲：阿信(五月天)
填詞：阿信(五月天)
編曲：阿信/周恆毅

夜　黑夜　寂寞的夜裡
氣　生氣　對自己生氣
軟弱的電話　又打　給你
想　聽你　那邊的空氣
有　什麼　精采的話題
你還是溫柔　給我　婉轉　的距離

＊我的聲音在笑　淚在飆　電話那頭的你可知道
　世界若是那麼大　為何我要忘你　無處逃
　我的聲音在笑　淚在飆　電話那頭的你可知道
　世界若是那麼小　為何我的真心　你聽不到

會　很會　偽裝我自己
你　不該　背我的秘密
沈重都給我　微笑　給你
奔　狂奔　空曠的感情
走　暴走　暴走的傷心
透明的嘆息　最後　還是　我的秘密

Repeat ＊

聽不到聽不到我的執著
撲通撲通　一直在跳
直到你有一天能夠明暸
我做得到　我做得到

Repeat ＊
♪　♪　♪　♪　♪　♪　♪　♪　♪　♪　♪　♪　♪　♪　♪　♪　♪　♪