戒口

過去一年，看過中醫，現在看西醫．
各有各的飲食禁忌，不能吃的多不勝數．
大致如下：

中醫：
所有凍食凍飲，如雪糕，汽水．
仲有西茶，綠茶，
奶茶則冷熱都唔得．

寒涼食品，如：
所有菇菌，冬菇除外．
豆腐，腐皮，所有黃豆製品，辣的除外．
綠豆，芽菜．
所有蔬菜皆為寒，須要用薑煮才可．
另色淡，質滑的菜如黃芽白，娃娃菜，白菜都唔得．
瓜類亦一樣，除咗節瓜正氣之外．

還有生果都係，好多都唔得．
好似梨，士多啤梨，奇異果，火龍果等，
清甜的山竹更是大忌．
連我最愛的雪蛤燉耶皇都唔得．

西醫則簡單點，
不可吃喝任何有咖啡因的東西，
即係唔飲得咖啡，所有的茶，可樂，葡萄適，
酒更加唔得．
還有還有，朱古力都唔食得!!!!

但係叫我唔食朱古力係無可能架囉!
情緒低落時，工作緊張時就更想!
唔食既話，我驚我會仲嚴重喎!

我試過問醫生，食少少唔怕啩!?
佢話呢啲興奮劑，
食咗個胃會分泌更多胃酸，
就會胃痛架啦!
風水佬呃你十年八年，
我最多都係呃到你幾日啫!

我噚日晏晝試過喝了紅茶．
真係好快就胃痛.....