唔識講，唔好講

自問對人真誠，亦不常說謊．
但唔知點解有人想不到點講大話就會向我求救．
可能因為我想到的真的會比別人多．
即係好聽就叫細心，
唔好聽就係小心眼．

亦可能因為咁，
我比較敏感．
人家說一句話，我可能就會想：佢係咪講大話呃我呢？
雖然都唔係啲會死人既大話．
有部份仲可能係善意的謊言．
但係比我知道/察覺咗，始終都會有點唔高興．

老土啲講，我交朋友一向都係用真心．
除非我好唔妥你，
否則當得你係朋友，就唔會敷衍．
所以我都希望得到同樣對待．

所以如果你要講大話，
唔該唔好比我知．
或者至少都講個合理啲既囉!
唔窒，唔問，唔拆穿你，係唔想你落唔到台咋!