雞碎咁多

本來一早預咗入得嚟，頭兩年都冇花紅架啦．
點知今日阿哥話比我知有．
但係個數就．．．．
咪就係雞碎咁多囉！

本來預咗冇，突然又有，係應該高興既．
但係有同事同我講，佢做咗咁耐，
未試過花紅係少過一個月糧架囉．
我今次，係連半個月都冇．

以我個人多心，多嘢諗既性格．
好自然就會諗，得咁少．
係人人都咁少吖，定係得我係咁少呢?
雖然阿哥講過，唔好失望，
其實個個都差唔多，都係得咁少，
不過我知道應該係我最低囉．．．

唯有不斷催眠自己：本身預咗冇，而家係額外既！
賺咗架啦！好阿Q！

之不過．．．
都係嗰句，雞碎咁多，做得啲乜？