寒入膏肓

小時候家裏常煲涼茶，同埋逢親有咩唔妥都係話熱氣．
今晚跟咗麥同學去睇中醫至知，原來我係一個大寒人！
仲要係至陰至寒嗰隻！

據莫醫師所講，我的所有問題都係出自一個「寒」字．
包括出暗瘡，月經不調，瞓得唔好，皮膚唔好，易癢都係．

我問醫師，同麥同學比，哪個較寒．
醫師話比起麥同學，我．寒．好．多！
我寒到直程係病態！
有排攪！要調理半年喎！

我又問，咁我成日生痱滋，又係點？
佢話唔係熱氣，係陰虛！
於是我又問，咁如果我陰虛，可以點?(即係可以食乜？唔可以食乜？)
佢想一想，答：無辦法，你都係上黎醫啦！

唉．．．
從來沒想過出暗瘡，生痱滋會係因為寒得濟．．．
亦沒想過原來我是一個至陰到寒既大寒人囉！

P.S.剛喝完藥，碗藥唔係苦，係勁難飲！